<p><strong>دەربارەی پشکا یاسایێ</strong></p> <p>ئارمانجا ئەڤێ پشكێ ئامادهكرنا كهسان و كادرێن خودان شیانه ل سهر دانا راوێژ و بۆچوونێن یاسایى، ب رێكا ڤهكۆلینێن یاسایى د بیاڤێن جودادا ب تایبەت د بیاڤێن ههردو لقێن یاسایا گشتى و تایبهتدا. ئهڤ پشكه باوەرنامەیا بهكالوریۆسێ د یاسایێدا ددهت و ماوەیێ خواندنێ پێنج سالن و دهرچوویێن ئامادهیى ب ههردو پشكێن خۆ یێن زانستى و وێژهیڤه وهردگریت. </p> <p><strong>دیتن:</strong><br/>پشکا یاسایێ ل کۆلیژا یاسا و ڕامیاری بزاڤێ دکەت، کو جهەکێ زانستى یێ بژارە د ناڤ پشکێن یاسایێدا ل کۆلیژێن یاسایێ یێن ل زانکۆیێن دى (ناڤخۆیى ـ نێڤدەولەتى) ب دەستڤەبئینیت. ئەڤ چەندە ژى، ب پشکداریکرن و پێشئێخستنا لایەنێ زانستى یێ ئەکادیمى و لایەنێ ڤەکۆلینێن زانستى ب پشتبەستن ب ئامرازێن جۆراوجۆر، داکو سروشتەکێ زانستى ب دەستخۆڤەبئینیت. ئەڤجار لایەنێ وانەگۆتن و خواندنێ یان لایەنێ ڤەکۆلینێن زانستى بیت.</p> <p><br/><strong>نامە:</strong><br/>پشکا یاسایێ د نامەیا خۆ یا زانستیدا دیار دکەت، کو هزرا (ئاڤاکرنا کەسایەتیا یاسایى یا قوتابى) دکەت. ئەڤ ئاڤاکرنا یاسایى بۆ کەسایەتیا قوتابى ل سەر دوو ئاستانە، ئەو ژى: ئێک: تیۆرى. دوو: پراکتیکى.<br/>ژ لایێ تیۆرى: پشکا یاسایێ کارى ل سەر پێشکێشکرنا زانیاریێن تیۆرى و ئەکادیمى بۆ قوتابیێن پشکا یاسایێ د ژینگەها خواندنێدا دکەت. گرنگیێ ب ئامرازێن فێرکرنێ یێن جودا ددەت و ئاسانکاریان دئێخیتە د ڕێکا قوتابیاندا.<br/>ژ لایێ پراکتیکیڤە: پشکا یاسایێ زانیاریێن تیۆرى یێن قوتابى ب هەڤکارى ل گەل دەزگەهێن حکومى یێن کارێ وان د چارچووڤەیێ یاساییدا پراکتیک دکەت. ب تایبەتى ل گەل دادگەهان، ب مەرەما پەیداکرنا تێکەلیێ د ناڤبەرا لایەنێ تیۆرى و یێ پراکتیکیدا بۆ خواندنا زانستێ یاسایێ.</p> <p><br/><strong>ئارمانج:</strong></p> <p><br/>1ـ پێشکێشکرنا فێرکرنەکا زانکۆیى د وارێ خواندنا زانستێ یاسایێدا، کو ل گەل پیڤەرێن دلنیا جۆرى بگونجن.</p> <p>2ـ کارکرن ل سەر ئاڤاکرنا کەسایەتیا یاسایى بۆ قوتابیێ یاسایێ د سالێن خواندنێدا، کو بشێت پشتى دەرچوونێ مفا ژ خواندنا خۆ ببینیت و خزمەتا جڤاکى بکەت.</p> <p>3ـ پێشکێشکرنا دەرچوویێن یاسایێ یێن خودان شیان د کارێ پارێزەریێدا و سەندیکایا پارێزەران مفاى ژ شیانێن وان وەربگریت.</p> <p>4ـ پێشکێشکرنا دەرچوویێن یاسایێ بۆ سازیێن دەولەتێ، کو بشێن مفایەکێ باش ژ شیانێن وان وەربگریت. بۆ نموونە فەرمانبەرێن مافپەروەر ل سەر ئاستێ فەرمانگەهێن شارستانى یان ژى سەربازى.</p> <p>5ـ ئاڤاکرن و گەشەپێدانا زانیاریێن یاسایى ل دەڤ قوتابیێ یاسایێ د هەمى لقێن یاسایێدا.</p> <p>6ـ گرنگیدان ب زانستێن هاریکار بۆ خواندنا یاسایێ، ب ڕێکا گەشەپێدانا زانیاریێن قوتابیان.</p> <p> 7ـ کارکرن ل سەر پەیداکرنا تێکەلیێ د ناڤبەرا لایەنێ تیۆرى و پراکتیکى بۆ خواندنا زانستێ یاسایێ، ب ڕێکا پێشکێشکرنا زانیاریێن تیۆرى د چارچووڤەیەکێ پراکتیکیدا.</p> <p>8ـ کارکرن ل سەر پێشئێخستنا لایەنێ زانستى ل دەڤ دەستەیا وانەگۆتنێ ب ڕێکا هاندانا وان بۆ پشکداریێ د پەنەل و کۆنفرانسێن زانستى و وورکشۆپێن ناڤخۆیى و نێڤدەولەتیدا.</p> <p>9ـ پێشئێخستنا لایەنێ ڤەکۆلینێن زانستى یێن ئەکادیمى ب ڕێکا هاندانا دەستەیا وانەگۆتنێ ل دۆر نڤیسین و بەلاڤکرنا ڤەکۆلینێن زانستى د کۆڤارێن زانستى یێن باوەرپێکرى ل سەر ئاستێ ناڤخۆیى و نێڤدەولەتى.</p>
