کۆلێژەکان
گەڕان بەدوای کۆلێژە جۆراوجۆرەکانمان کە دەرفەتی خوێندن و توێژینەوەی ئاست جیهانی پێشکەش دەکەن.
کۆلیژا یاسا و زانستێن سیاسی
كۆلیژا یاسا و زانستێن سیاسی ئێكه ژ كۆلیژێن زانكۆیا نهورۆز و ل ساڵا 2004 – 2005 هاتییه دامهزراندن. باوەرنامەیا بهكالۆریۆسێ ب یاسایێ بۆ ههر دوو خواندنێن سپێدههى و ئێڤاران ددەت. ئهڤ كۆلیژه كادرێن یاسایى یێن تایبهتمهند بۆ دهزگههێن دادى و ڕێڤهبهرییێن یاسایى ئامادە دکەت، ب ڕێكا فێركرنا قوتابییان ل سهر یاسایێن ب كاردهێن د زانستێن یاسایى و سياسیدا و چاوانییا گرێدانا ئەوان ب دورهێلیڤه. ئهڤ كۆلیژه ڕادبیت ب پێشكێشكرنا ڕاوێژ و شیرهتێن یاسایى بۆ دامودهزگههێن میرى و سازدانا ڕوینشتن و ووركشۆپان، زێدهبارى كارێ خۆ یێ ئهكادیمى. ههروهسا ئهڤ كۆلیژه ڕابوویه ب ڤهكرنا پشكا زانستێن سیاسی ژ بۆ ئامادهكرن و دهرچوونا كادرێن خودان شیان و شههرهزا د سیاسهتێن نێڤدهولهتى و پهیوهندى و شڕۆڤهكرنێن سیاسى و كارێن ڕێكخراوێن جیهانیدا، زێدهبارى كاركرن و مفا وهرگرتن ژ ئەڤان كادران ژ لایێ دهزگههێن پهیوهندیدار و سهنتهرێن ڤهكۆلینان و پێشئێخستنا ڤهكۆلینێن زانستى.
کۆلیژا کارگێڕى و ئابوورى
کولیژا كارگێرى و ئابوورى ل سالا 2004ێ هاتیه دامهزراندن. ئهڤ کولیژه ژ حەفت پشكێن زانستى پێكدهێت: پشکا ئابوورى، پشکا كارگێرى كار، پشکا ژمێریارى، پشکا دارایی و بانك، پشکا کارگێریا راگەهاندن و رۆژنامەڤانیێ، پشکا بازارگەری و بازرگانیا گشتی، و پشکا گەشتیاری. ئارمانجا سەرەکی یا ڤێ کولیژێ کادرەکێ خودان شیان د وارێن کارگێری و ئابووریدا بەرهەم بهینیت و پێشکێشی جڤاکی بکەت، کو پشتبەستنێ ب شێوازێن زانستی بکەن و مفایێ ژ دەستکەفتێن تەکنولۆژیا نوی وەربگرن. ستافەکێ ئەکادیمی یێ شههرهزا و خودان پلەیێن بلندێن زانستی ڤێ کولیژێ برێڤە دبەن، کو ژبلی کارێ خۆ یێ ئەکادیمی راوێژێن زانستى پێشکێش دکەن و كۆنگره و كۆنفرانس زانستی ساز دکەن، یێن کو ڤەرێژا وان د خزمەتا جڤاکێ کوردستانێ و دەڤەرێدا بیت.
کۆلیژا زانست
کۆلیژا زانست ل سالا 2005ێ هاتیە دامەزراندن و نۆکە ژ سێ پشکێن سەرەکی پێکدهێت: پشکا زانستێن کومپیۆتەرى، پشکا زانستێن تاقیگەهێن پزیشکی، و پشکا مالتیمیدیا و گرافیک دیزاین. ئارمانجا ئەڤێ کولیژێ زەنگینکرنا شیانێن قوتابیانە ب زانیاریێن زانستى ب رێکا ئینانا پسپۆرێن زانستى ژ ناڤخۆ و دەرڤەی وەلاتی. هەروەسا دەولەمەندکرنا لایەنێ پراکیتکى ل دەڤ قوتابیان وەکو دابینکرنا تاقیگەهێن پێشکەفتى یێن پزیشکی و یێن کومپیۆتەری ل گەل سیستەمێن نوى یێن کومپیۆتەرى و دیزاینێ. کولیژا زانست کار ل سەر ئەنجامدان و دروستکرنا داهێنانێن زانستى و پراکتیکى بۆ جڤاکى ب مەرەما پێشئێخستنا دامودەزگەهێن دەڤەرێ دكهت، ب رێکا ڤەکرنا خۆل و وانە و سمیناران ژ بۆ رێڤەبەرى و پەیمانگەهـ و قوتابخانەیان
کۆلیژا زمان
کولیژا زمان ل سالا ٢٠٠٩ێ هاتیە دامەزراندن. ئەڤ کولیژە ژ چار پشکێن زانستی پێکدهێت: پشکا زمانێ ئینگلیزى، پشکا زمانێ كوردى، پشکا وەرگێرانێ، و پشکا کوردناسیێ. ئەڤ کولیژە بزاڤێ دکەت كادرەکێ زانستى و خودان شیان ل دۆر زمانان ژ لایێ بنیات، تیۆر، پێكهاته، سروشت و رێكێن گۆتنێڤه پەیدا بکەت. ل گۆرەی پرۆگرامێن نوى یێن خواندنێ وانە دهێنه پێشكێشكرن، كو ل گهل كوالێتیا جۆرى و ميتۆدێن سهردهميانه بگونجن. ستافەکێ ئەکادیمی و شەهرەزا ڤێ کولیژێ برێڤە دبەت. ماوەیێ خواندنێ چار سالن و پشكێن كوليژێ قوتابیێن دهرچوویێن زانستى و وێژهیى وهردگرن.
کۆلیژا ئەندازیارى
کولیژا ئهندازیارى ل سالا 2013ێ هاتیه دامهزراندن. ئەڤ کولیژە ژ چار پشكێن زانستی پێکدهێت: پشکا كومپيۆتهر و گهياندنێ، پشکا ئهندازیاریا تهلارسازى، پشکا ئەندازیاریا مەدەنی، و پشکا پرۆگرامسازی. ئهڤ کولیژه بزاڤێ دکەت ببیته ئێك ژ باشترین و پێشكهفتیترین کولیژێن کوردستانێ و دەرڤە، هەروەسا هەڤرکیەکا ساخلەم ل گهل ههڤرکێن خۆ د بیاڤێن زانستێ ئهندازیاریدا بکەت. ئارمانجا ئەڤێ کولیژێ بهرههڤكرنا كادرێن ئهندازیارى یێن خودان شیانه د بوارێن زانستى و پراكتیكى یێن ئهندازیاریدا، ل گەل رهوشتهكێ كارێ ئهندازیارى یێ بلند ههبیت.
کۆلێژا پزیشکیا ددانان
کۆلێژا پزیشکیا ددانان ل زانکۆیا نەورۆز دەستکەفتەکا نوی و پێشەنگ بوو ل سەر رەوتا ئەکادیمی یا زانکۆیێ هاتیە زێدەکرن، کو ل سالا ٢٠٢٤ وەک ئێکەمین کۆلێژا پزیشکیا ددانان ل زانکۆیەکا تایبەت (ئەهلی) ل پارێزگەها دهۆکێ هاتیە دامەزراندن. ڤەکرنا ڤێ کۆلێژێ دیار دکەت کو زانکۆیا نەورۆز گرنگیەکا مەزن ددەتە بەفرەهکرنا پسپۆریێن پزیشکی یێن کو پێدڤیێن جڤاکی پڕ دکەن. <p>ئارمانجا کۆلێژێ ئامادەکرنا کادرێن پزیشکی یێن شارەزایە د وارێ پزیشکیا ددانان دا ب رێیا پرۆگرامێن ئەکادیمی یێن نوی و پرۆگرامێن خواندنێ یێن هەڤتەریب دگەل پیڤەرێن ناڤدەولەتی. کۆلێژ خودان بنگەهەکێ پێشکەفتیە کو تێدا تاقیگەهێن تایبەت و ناڤەندێن راهێنانا کلینیکی یێن نوی هەنە کو بۆ قوتابیان ئەزموونەکا خواندنێ یا تەمام دابین دکەن، دا لایەنێن تیۆری و پراکتیکی پێکڤە گرێدەت.</p> <p>هەروەسا کۆلێژ هەول ددەت پەیوەندیێن کاریگەر ب دەزگەهێن ساخلەمی و فێرکاری ڤە یێن ناڤخۆیی و ناڤدەولەتی چێبکەت، ب شێوەیەکێ کو دەلیڤەیێن راهێنان و پێشکەفتنا بەردەوام بهێنە پێشڤەبرن. دەرگەهێن وەرگرتنێ د بەر قوتابیێن کو دخوازن پزیشکیا ددانان بخوینن ڤەکری نە ل دویف یاسا و رێنمایێن وەزارەتا خواندنا بلند و ڤەکۆلینێن زانستی ل هەرێما کوردستانێ.</p>
کۆلێژا دەرمانسازی
کۆلێژا دەرمانسازی ژ نویترین کۆلێژانە ل زانکۆیا نەورۆز، کو ل سالا ٢٠٢٤ هاتیە ڤەکرن ب مەرەما پشتەڤانیکرنا کەرتێ چاڤدێریا ساخلەمیێ ب رێیا ئامادەکرنا دەرمانسازێن شارەزا ژ لایێ زانستی و پیشەیی ڤە ل دویڤ پیڤەرێن ئەکادیمی یێن پەسەندکری. <p>کۆلێژ بزاڤێ دکەت قوتابیان د وارێن دەرمانسازیا کلینیکی، دەرمانسازیا جڤاکی، چێکرنا دەرمانان، و چاڤدێریا دەرمانی دا پێشبێخیت، ب رێیا پرۆگرامێن خواندنێ یێن نوی کو زانیاریێن تیۆری و راهێنانا پراکتیکی د تاقیگەهێن دەرمانسازی یێن پێشکەفتی دا پێکڤە گرێددەت.</p> <p>کۆلێژ ژینگەهەکا فێرکاری یا هاندەر دابین دکەت، و پشتەڤانیا ڤەکۆلینێن زانستی و فێربوونا بەردەوام دکەت، و هەول ددەت پەیوەندیان دگەل دەزگەهێن ساخلەمی و دەرمانسازی یێن ناڤخۆیی و ناڤدەولەتی چێبکەت. کۆلێژ پابەندە ب باشترکرنا رەوشا ساخلەمیێ ب رێیا پێشکێشکرنا دەرچوویێن خودان شیان و پیشەیی د وارێ دەرمانسازیێ دا بۆ جڤاکی.</p>